نبذة عنا

قصتنا بلشت بمحل سمك صغير بالبلد عمان سنة 1990, المؤسس (محمد نظير) ابو غزالة استأجر هالمحل الصغير (4م × 4م) و بلش يستورد السمك الطازج من السعودية و اليمن... بلش قلي و طبخ السمك و بلشت هالمهنة الجديدة بهالمدينة الصغيرة.

بالتسعينيات اكتسب هالمحل الصغير سمعة ممتازة... و كتير من العمَانية كانوا يزورونا لما يشتهوا اكلة سمك محلية بيوم شتوي كئيب او بليلة صيف رائعة.

زي اي شي صغير بهالبلد احنا كبرن يوم عن يوم مع تعديلات بسيطة, خلينها مصلحة عائلية على قدنا, التخصص بطب الاسنان او الهندسة عمرها ما فصلت بينا و بين هل المطعم الصغير.

كل يوم عنا اضافة منخططلها و منفذها, عمرنا ما كنا المثاليَن و لا رح نكون في يوم من الايام. رأي زباينا فينا هو دايما المهم و المرحب فيه, هدفنا الوحيد هو زبون مبسوط و راضي و انوا منطقتنا (البلد) تكون سوق للاكل المثالي الحقيقي مش سوق للاكل الرخيص.

وسط عمان (البلد) اعطى كتير لهالمدينة, احنا منعتمد على هالريحة لاتقان تجربة ما بتنتسى, و هي الحارة بتعتمد علينا نخلي اللمسة البسيطة و اصالة الاكل.

من السهل كتير للزباين اللي بزورونا لاول مرة انهم يختاروا اي نوع من السمك, يختاروا طريقة الطبخ و يرتاحوا على طاولاتهم. دلع حالك بمقبلاتنا ابدا بالحمص للسمك السلمون المدخن, استمتع بالطبق الرئيسي, حس بالرضا و لا تنسى تغير طلبك كل مرة بتيجي عشان ما يروح عليك اشي.

 

بإنتظار زيارتك لنا ……….